KRIIK
Menu
  • Kreu
  • Kush jemi?
  • Çfarë bëjmë
    • Integriteti i zgjedhjeve
    • Transparenca dhe llogaridhënia
    • Të drejtat e njeriut dhe siguria njerëzore
    • Demokracia e drejtpërdrejtë
    • Programi i Leadership-it
    • Hapja e të dhënave zgjedhore
  • Kontakt
  • ShqipShqip
    • ShqipShqip
    • EnglishEnglish
Menu

Integriteti i zgjedhjeve

Aksioni i Vëzhgimit për Zgjedhjet për Organet e Qeverisjes Vendore 2019

Në vazhdimësi të misionit të tij në përpjekje të forcimit të integritetit të proceseve zgjedhore, KRIIK po ndjek në vazhdimësi, që prej mbylljes së aksionit të vëzhgimit të zgjedhjeve parlamentare 2017, thuajse të gjitha proceset institucionale, ligjore e politike që kanë lidhje të drejtëpërdrejtë apo indirekt me procesin zgjedhor, përfshirë këtu reformën e tentuar zgjedhore, ndaj së cilës mbetet i përkushtuar maksimalisht, por edhe procese të tjera më rendësi e sidomos krizën politike që po kalon vendi tashmë prej disa muajsh. Qëndrimet e KRIIK mbi këto zhvillime janë bërë në vazhdimësi publike nëpërmjet deklaratave apo qëndrimeve publike.
Procesin e Zgjedhjeve Vendore të vitit 2019, KRIIK ka nisur ta monitorojë në tërësi që prej momentit të shpalljes së datës së zgjedhjeve nga Presidenti i Republikës, më 5 Nëntor 2018 e deri me sot.

Përpos vëzhgimit në vazhdiëmsi të elementënve kontekstualë politikë e institucionalë, vëzhgimi i elementëve teknikë të procesit është fokusuar në sjelljen dhe vendimmarrjen e Komisionit Qendror të Zgjedhjeve dhe Kolegjit Zgjedhor, si dhe në monitorimin në tërësi të përgatitjes së listave të zgjedhësve.

Prej 21 qershorit 2019, Aksioni i Vëzhgimit për Zgjedhjet 2019 po realizohet me mbështetjen financiare të Ambasadës së Zvicrës në Tiranë. Falë kësaj mbështetjeje, KRIIK ka angazhuar 90 vëzhgues afatgjatë, një për çdo zonë zgjedhore të vendit. Vëzhgimi i elementëve teknikë dhe administrativë të procesit dhe dokumentimi i hapave administrativë plotëson kuadrin e vëzhgimit të situatës institucionale dhe politike, duke mundësuar një pamje më të qartë dhe vlerësim më të saktë të këtij procesi, në të gjithë elementët e vet.

KRIIK nuk do të angazhojë vëzhgues afatshkurtër në qendra votimi gjatë ditës së zgjedhjeve. Gjetjet nga procesi i vëzhgimit do të bëhen publike me anë të deklaratave apo letrave të hapura, sipas rastit, si dhe me anë të një Deklarate Paraprake mbi procesin, për t’u publikuar pas mbylljes së procesit të numërimit si dhe me një raport final, për t’u publikuar, përafërsisht, 60 ditë pas datës së zgjedhjeve.

Në këtë aksion vëzhgimi, KRIIK bashkëpunon me 9 organizata lokale me eksperiencë në vëzhgimin e zgjedhjeve, të cilët ofrojnë burimet e veta njerëzore si vëzhgues: “Forumi Civil Selenicë”; Qendra “Lëvizja Rinore për Demokraci”- Pukë; Qendra e Këshillimit të Grave dhe Shërbimeve Sociale Kukës “- Kukës; Qendra Këshillimore për Njerëzit me Aftësi të Kufizuar”- Shkodër; Qendra Rinore Vlorë (QRV) – Vlorë; Qendra “Të gjithë së bashku për Integrimin e Romëve” (TIRC); Qendra për Zhvillimin e Shoqërisë Civile – Durrës; Qendra për Zhvillimin e Shoqërisë Civile – Korçë; Shoqata “Për Mbrojtjen e të Drejtave të Gruas Fshatare dhe Qytetare”- Berat.

Angazhimi i mëparshëm në lidhje me integritetin zgjedhor

KRIIK është angazhuar në vëzhgimin e zgjedhjeve prej themelimit të vet, duke angazhuar aktivistë si vullnetarë në aksione vëzhgimi të zgjedhjeve të të tjera organizatave. Prej vitit 2000, KRIIK ka qenë pjesë aksioneve të përbashkëta të vëzhgimit të disa grupimeve të organizatave vendase.

Prej 2005, KRIIK ka qenë anëtar themelues e më pas edhe një nga organizatat drejtuese të Koalicionit të Vëzhguesve Vendorë (KVV), grupimi më i madh i organizatave vendore që kanë vëzhguar zgjedhjet në Shqipëri. Në kuadër të apo në bashkëpunim me Koalicionin e Vëzhguesve Vendorë, KRIIK ka vëzhguar të gjitha zgjedhjet e përgjithshme, parlamentare apo lokale, të zhvilluara në Shqipëri prej vitit 2005 deri në vitin 2017 si dhe shumicën e proceseve zgjedhore të pjesshme të zhvilluara gjatë kësaj periudhe.

KRIIK, në bashkëpunim me Elections to Conduct Agency (ECA) kanë realizuar për herë të parë në Shqipëri numërimin paralel të votave në rang vendi, në zgjedhjet për Kuvendin e Shqipërisë të vitit 2009.

Përveç angazhimit në vëzhgimin e proceseve zgjedhore, KRIIK ka ndërmarrë një numër iniciativash që synojnë të forcojnë integritetin e zgjedhjeve në Shqipëri dhe ndjek në mënyrë të vazhdueshme (jo vetëm gjatë periudhave zgjedhore) çdo zhvillim politik apo institucional që ka potencialin të ndikojë në integritetin e zgjedhjeve.

Për më tepër informacion për aktivitetin e KRIIK në kuadër të apo në bashkëpunim me Koalicionin e Vëzhguesve Vendorë, shih faqen web të KVV.

KRIIK ALBANIA

https://www.youtube.com/watch?v=42GUUeDEODc&t=428s

Postime Së Fundi

  • Zgjedhjet Parlamentare të së dielës në Hungari dhe ato në Serbi monitorohen prej vëzhguesve shqiptarë si pjesë e Misioneve Vëzhguese të ENEMO-s! 1 Prill, 2022
  • DEKLARATË – Zgjedhjet e Pjesshme Vendore të nesërme mjaft të rëndësishme për prevalimin e vlerave dhe parimeve demokratike në të ardhmen e vendit  6 Mars, 2022

KRIIK Facebook

KRIIK Tweets

Na ndiqni ne

  • facebook
  • twitter

Arkiva

  • Prill 2022 (1)
  • Mars 2022 (1)
  • Shkurt 2022 (1)
  • Maj 2021 (1)
  • Prill 2021 (10)
  • Mars 2021 (2)
  • Janar 2021 (1)
  • Dhjetor 2020 (3)
  • Nëntor 2020 (1)
  • Tetor 2020 (4)
  • Shtator 2020 (1)
  • Gusht 2020 (1)
  • Korrik 2020 (2)
  • Qershor 2020 (1)
  • Maj 2020 (1)
  • Gusht 2019 (1)
  • Korrik 2019 (1)
  • Maj 2019 (2)
  • Prill 2019 (1)

Postime Së Fundi

  • Zgjedhjet Parlamentare të së dielës në Hungari dhe ato në Serbi monitorohen prej vëzhguesve shqiptarë si pjesë e Misioneve Vëzhguese të ENEMO-s! 1 Prill, 2022
  • DEKLARATË – Zgjedhjet e Pjesshme Vendore të nesërme mjaft të rëndësishme për prevalimin e vlerave dhe parimeve demokratike në të ardhmen e vendit  6 Mars, 2022
  • KONFERENCË KOMBËTARE 11 Shkurt, 2022
Maj 2022
H M M E P S D
 1
2345678
9101112131415
16171819202122
23242526272829
3031  
« Pri    
©2022 KRIIK | Koalicioni per Reforma, Integrim dhe Institucione te Konsoliduara