DENONCIM Nr. 31 – Lidhur me thyerjen e heshtjes zgjedhore nga disa parti politike, kandidatë dhe media online*

Shkarko Denoncimin ne pdf

I nderuar z. Komisioner!

Të nderuar Drejtues të Administratës së KQZ-së!

Të nderuar Anëtarë të Komisionit të Ankimimeve dhe Sanksioneve!

Neni 77, pika 2 e Kodit Zgjedhor përcakton se “Dita përpara datës së zgjedhjeve dhe data e zgjedhjeve, deri në orën e mbylljes së votimit, formojnë periudhën e heshtjes zgjedhore. Në periudhën e heshtjes zgjedhore nuk lejohet asnjë lloj fushate zgjedhore nëpërmjet organeve të medias, si dhe zhvillimi i mitingjeve ose i veprimtarive të tjera zgjedhore të subjekteve zgjedhore”.

Neni 3 i Udhëzimit nr. 06, datë 23.03.2021 i Komisionerit Shtetëror të Zgjedhjeve “Për përdorimin e materialeve propagandistike e edukuese dhe rregullat për afishimin e tyre gjatë fushatës zgjedhore” përcakton se “Caktimi i vendeve për afishimin e materialeve propagandistike” pika 1, “…. Me mbarimin e fushatës zgjedhore, subjektet zgjedhore marrin masat për heqjen e të gjithë materialeve propagandistike.” Dhe pika 8 “Subjekteve zgjedhore iu lejohet të afishojnë materialet propagandistike vetëm në vendet e përcaktuara nga kryetari i bashkisë, sipas këtij neni, dhe marrin masa për heqjen e tyre me përfundimin e fushatës së zgjedhjeve”.

Neni 7 i të njëjtit Udhëzim përcakton se “Organet që ngarkohen me zbatimin e Udhëzimit” “Për zbatimin e këtij udhëzimi ngarkohen kryetarët e bashkive, subjektet zgjedhore, punonjësit e policisë bashkiake dhe të policisë së shtetit, si dhe monitoruesit e caktuar nga KQZ-ja. Moszbatimi i detyrimeve të përcaktuara në këtë udhëzim, përbën kundërvajtje administrative sipas përcaktimeve në Kodin Zgjedhor”.

Gjithashtu, Vendimi nr. 1047, datë 10.05.2025 i Komisionerit Shtetëror të Zgjedhjeve “Për ndalimin e publikimit/transmetimit të spoteve/reklamave dhe mesazheve elektorale në periudhën e heshtjes zgjedhore”, pika 1 “Ndalimin e publikimit/transmetimit të spoteve/reklamave dhe mesazheve elektorale në të gjitha organet e medias përfshirë rrjetet sociale dhe mediat online në periudhën e heshtjes zgjedhore”.

Bazuar në këto dispozita, me nisjen e heshtjes zgjedhore, KRIIK monitoroi në mënyrë të rastësishme një numër faqesh online dhe Librarinë e Reklamave Politike të Meta për reklama ende aktive në ditën e parë të heshtjes zgjedhore, si dhe materialet propagandistike të vendosura në rrugë në City Lights në Tiranë.

KRIIK evidentoi disa portale të cilat vijuan të kenë reklama aktive ditën e parë të heshtjes zgjedhore, 10 maj 2025.

Konkretisht:

Printscreen te faqes, për secilën faqe, ku shihet se reklamat vijuan të ishin aktive gjeni në Lidhjen Nr. 1 bashkëlidhur këtij denoncimi.

Në datën 10 maj ka disa reklama politike nëpër City lights në Tiranë, konkretisht të subjekteve zgjedhore apo kandidatëve të:

Partisë Socialiste,
Koalicionit partia Demokratike- Aleanca për Shqipërinë Madhështore dhe
Koalicionit Nisma – Shqipëria Bëhet.

Foto të këtyre materialeve propagandistike gjeni në Lidhjen nr, 2 bashkëlidhur këtij denoncimi.

KRIIK evidentoi 90 faqe që vijuan të kenë reklama aktive ditën e parë heshtjes zgjedhore, në 10 maj 2025 (lutemi gjeni më poshtë listën e emrave të këtyre faqeve si dhe në Lidhjen nr. 3 printscreen te faqes së Librarisë së Reklamave të Meta, për secilën faqe, ku shihet se reklamat vijonin të ishin aktive).

Në lidhje me reklamat në Facebook dhe Instagram, vlen të theksohet se një pjesë e tyre janë aktivizuar për herë të parë në datën 9 maj dhe kanë qenë aktive për më pak se 24 orë, çka tregon se nuk janë ende aktive si pasojë e harresës apo neglizhencës, por qëllimisht janë publikuar nga partitë/kandidatët me synimin për të qenë aktive gjatë ditës së parë të heshjtes zgjedhore, ditën e shtunë datë 10 maj.

Sa më sipër ngre shqetësimin e fortë se se këto reklama mund të jenë të programuara të vijojnë të jenë aktive edhe ditën e zgjedhjeve, cka kërkon një ndërhyrje të menjëhershme të KQZ-së për të parandaluar këtë shkelje të qëllimshme dhe flagrante të ligjit.

Lista e faqeve/profileve në Facebook që kishin reklama aktive ditët e heshtjes zgjedhore, në 10 maj 2025, në thyerje të heshtjes zgjedhore:

Për shkak të volumit të madh, në këtë LINK mund të shkarkohen Lidhjet e këtij dokumenti.

Në gjykimin e KRIIK, nevojitet që rastet të merren në konsideratë prej jush si KQZ e ndaj subjekteve politike apo kandidatëve që kishin reklama aktive të procedohet sipas parashikimeve ligjore, me sanksionet përkatëse për thyerjen e heshtjes zgjedhore.

Në përfundim, të këtij denoncimi KRIIK sjell në kujtesën tuaj se Kodi Zgjedhor parashikon periudhën e heshtjes zgjedhore si një periudhë në të cilën qytetarët shqiptarë nuk duhet të ndikohen në asnjë mënyrë dhe në asnjë rast nga propaganda elektorale, në çdo formë dhe mjet me të cilën mund të shfaqet e transmetohet ajo.

*Ky Denoncim përmban Lidhje ku ilustrohen problematikat e përmendura. Lidhjet mund te shihen këtu.